Stats Monitor

Stats Monitor tagħmilha aktar faċli għall-ġurnalisti li jintraċċaw u jużaw data ġdida mill-Eurostat dwar suġġetti bħall-migrazzjoni jew it-tkabbir ekonomiku. L-għodda: 

• tuża ċ-charts biex turi d-data numerika – int tista’ faċilment tadattahom għall-bżonnijiet tiegħek
• tanalizza data ġdida biex tidentifika x-xejriet u l-każijiet partikulari, filwaqt li tgħinek tiskopri materjal importanti li jista’ jingħata bħala aħbarijiet
• tippermettilek tara l-aktar charts reċenti u newsfeeds fi kwalunkwe ħin.

Il-ħeffa hi waħda mill-vantaġġi tal-għodda: biex tieħu vantaġġ minnha, sempliċiment abbona għall-RSS feeds ta’ Stats Monitor. Tista’ wkoll:

• tagħżel li tirċievi aħbarijiet b’email
• tissortja ċ-charts skont l-intervall tal-ħin, il-pajjiż u varjabbli oħrajn
• tiswiċċja minn tip ta’ tabella għal oħra kif ukoll tbiddel il-kulur
• tiddawnlowdja s-settijiet tad-data f’formati differenti.

Barra minn hekk, it-tabelli huma tradotti awtomatikament f’10 lingwi.

Stats Monitor hu mħaddem mis-servizz tal-aħbarijiet Newsworthy u żviluppat minn Journalism++ u LocalFocus.

L-għodda hi disponibbli bl-Ingliż, il-Ġermaniż, il-Franċiż, it-Taljan, l-Ispanjol, il-Portugiż, il-Pollakk u l-Kroat.