B’"Regions and Cities Illustrated", tista’ tara faċilment l-indikaturi reġjonali u tara dejta għar-reġjuni li int interessat fihom l-aktar.
Din l-għodda interattiva fiha dejta dwar ir-reġjuni, l-ibliet u tipoloġijiet territorjali oħrajn Ewropej, miġbura f’dominji u subdominji ta’ statistika differenti. Bil-mappa interattiva, tista’ tagħżel malajr territorji individwali filwaqt li l-opzjonijiet ta’ viżwalizzazzjoni differenti jippermettu t-tqabbil u l-analiżi b’mod faċli għall-utent. Skeda ta’ żmien animata turi l-prestazzjoni ta’ territorji differenti matul iż-żmien.
Regions and Cities Illustrated fiha dashboards differenti, li dejjem ikun fihom mappa interattiva fit-tieqa tax-xellug. Fit-tieqa tal-lemin, l-utent jista’ jagħżel erba’ dehriet differenti: plot ta’ distribuzzjoni, plot ta’ dispersjoni, bar chart jew tabella ta’ dejta.
Mill-qgħad sat-turiżmu, mix-xjenza sas-saħħa: Agħżel it-tema tiegħek u skopri l-Ewropa.
Disponibbli bl-Ingliż, il-Franċiż, u l-Ġermaniż