Interessat f’sistemi globali ta’ navigazzjoni bis-satellita? Kurjuż li tkun taf liema proġetti għaddejjin fl-Unjoni Ewropea?
L-app "R&Ż għal Galileo u EGNOS" tgħinek tibbrawżja l-ħafna proġetti relatati mal-EGNSS, is-sistema Ewropea ta’ navigazzjoni globali bis-satellita. Tista’ tfittex għal proġetti billi tuża kriterji bħalma huma l-isem tal-proġett, il-pajjiż jew is-settur.
Kont taf li l-proġetti taħt is-7 Programm Kwadru għar-Riċerka u l-Iżvilupp (FP7, 2007–2013) weħidhom irriżultaw f'għexur ta’ prototipi, ta' innovazzjonijiet ta’ prodotti u ta' marki kummerċjali u ta' reġistrazzjonijiet tal-privattivi?
Timmissjax is-sensiela li jmiss tar-riċerka tal-EGNSS! Dan qed jiġri issa permezz ta' Orizzont 2020 (H2020, 2014–2020), il-programm attwali tal-UE għar-riċerka u l-innovazzjoni.
L-app għandha verżjoni li tista' tiġi ddawlowdjata għall-iOS u għall-Android, flimkien ma' verżjoni tal-web. Hi mmaniġġjata mill-Aġenżija Ewropea tas-Sistemi Globali ta' Navigazzjoni bis-Satellita.