Meta ommha kienet iddijanjostikata b’kanċer tas-sider għat-tieni darba, il-Kanadiża Lily Tse ddeċidiet li twettaq riċerka dwar il-ħafna kawżi possibbli tal-kundizzjoni, inklużi ingredjenti potenzjalment ta’ ħsara fil-prodotti kożmetiċi u tal-kura personali. Dak li skopriet kien xi drabi allarmanti.
Think Dirty® huwa r-riżultat tal-investigazzjoni personali ta’ Lily tal-industrija tas-sbuħija u l-verità dwar il-prodotti ta’ din l-industrija.
Din l-app tanalizza eluf ta’ kożmetiċi u prodotti tal-kura personali, prinċipalment mill-Kanada u l-Istati Uniti. L-informazzjoni ċara u sempliċi li tipprovdi se tgħinek tidentifika l-ingredjenti “maħmuġin” u tixtri għażliet aktar nodfa.
Lily, il-fundatriċi u s-CEO ta’ Think Dirty ®, tiddeskrivi dan bħala rivoluzzjoni tal-konsumatur, li tgħin lill-konsumatur jagħżel prodotti kożmetiċi aktar sikuri billi kull darba jitgħallem dwar ingredjent biex jaqleb għal għażliet aktar nodfa, prodott wieħed kull darba.
L-app (disponibbli bl-Ingliż biss) tiġbor flimkien informazzjoni minn diversi riżorsi, inklużi xi sorsi tal-UE.