Prinċipji
L-Ispazju Ewropew tad-Data Legali (ELDS) hu wieħed mill-Ispazji Komuni Ewropej tad-Data mfassla biex jisfruttaw il-valur tad-data għall-benefiċċju tal-ekonomija u tas-soċjetà Ewropej, kif stabbilit fl-Istrateġija Ewropea għad-data ta’ Frar 2020.
Skont il-prijoritajiet enfasizzati mill-Istrateġija Ewropea għad-data għall-ispazji tad-data komuni Ewropej għall-amministrazzjoni pubblika, l-Ispazju Ewropew tad-Data Legali għandu l-għan li jipprovdi data aċċessibbli faċilment, interoperabbli u li tkun tista’ tintuża mill-ġdid fil-qasam tal-leġiżlazzjoni u l-ġurisprudenza fl-UE.
Din id-data tista’ tintuża fit-teħid tad-deċiżjonijiet, fir-riċerka u fl-iżvilupp ta’ għodod legali innovattivi. L-ispazju tad-data legali se jappoġġa lill-amministrazzjonijiet pubbliċi, lill-prattikanti legali u lis-soċjetà b’mod ġenerali.