![](/sites/default/files/ICT_logo.png)
It-teknoloġiji tal-informazzjoni u tal-komunikazzjoni (ICT) huma l-mutur ewlieni tal-innovazzjoni u t-tkabbir. L-investiment f’dan il-qasam taħt il-Fondi Strutturali u ta’ Investiment Ewropej (FSIE) qed jintuża biex jissaħħaħ it-tkabbir reġjonali.
Madwar EUR 21.4 biljun tal-finanzjament tal-FSIE huma disponibbli mill-2014-2020, sempliċement għall-investiment tal-ICT.
Biex jgħin lin-nies jaraw kif u fejn qed jintefqu l-flus, iċ-Ċentru Konġunt tar-Riċerka tal-Kummissjoni Ewropea żviluppa l-“għodda għall-monitoraġġ tal-ICT”.
L-għodda tagħti rendikont tal-infiq tal-ICT taħt il-FSIE fil-livell nazzjonali u reġjonali. Tista’ tfittex skont l-ammont, il-kliem ewlieni jew it-tip ta’ finanzjament u tissortja r-riżultati tiegħek skont il-pajjiż, ir-reġjun, jew firxa ta’ filtri speċjali.
Ixxerja r-riżultati tat-tfittxija tiegħek onlajn jew iddawnlowdjahom bħala CSV, Word jew fajl PDF.