13 000 sustanza kimika unika jintużaw bħala addittivi fil-kosmetiċi u l-prodotti tal-ikel. Sfortunatament, ħafna minnhom, għalkemm approvati għall-użu mill-bniedem, jista’ jkollhom impatt sinifikanti fuq saħħitna.
Tixtieq tiċċekkja jekk dawk fil-prodotti favoriti tiegħek humiex sikuri? Mela staqsi lil Ingredio.
Ingredio hi app tal-mobile li tinformak dwar il-perikli potenzjali fl-ikel u l-kosmetiċi.
Kulma għandek tagħmel hu li tieħu ritratt tal-ingredjenti ta’ prodott tal-ikel jew kosmetiku b’mobile. L-app se tikkonverti l-immaġni f’test u tinformak jekk xi wieħed mill-ingredjenti hux perikoluż jew allerġeniku (skont il-bażi tad-data CosIng tal-Kummissjoni Ewropea u sorsi oħrajn).
Sakemm l-ingredjenti jiġu elenkati bl-Ingliż, tista’ tuża din l-app kullimkien, u bi kwalunkwe prodott. Hexagon, b’firxa ta’ kulur mill-aħdar għall-aħmar, turi kemm hu sikur il-prodott. Se tkun tista’ tara liema ingredjenti huma problematiċi, u għaliex.
Wasal iż-żmien li tiddeċiedi dwar ix-xiri b’mod aktar informat! Għaliex ma tiċċekjax il-prodotti li għandek f’darek – u taħseb biex tuża Ingredio d-darba li jmiss meta tmur tixtri?
Rilaxxata fi Frar 2017, l-app (disponibbli għall-Android) għadha fil-verżjoni beta tagħha, iżda diġà hi utli ħafna u faċli biex tużaha.