![](/sites/default/files/logo_1.png)
Qatt għaddejt ftit tal-ħin tgħarrex fil-bażijiet tad-dejta legali għat-tfittxija ta’ regolament wieħed, li tittama se jipprovdilek tweġiba għall-kwistjoni ambjentali partikulari? Jekk dan hu minnu, probabbilment issa taf li kwistjoni waħda normalment taqa’ fl-ambitu ta’ diversi biċċiet ta’ leġiżlazzjoni. Normalment, jeħtieġlek tikkunsidra firxa ta’ dokumenti sempliċement biex twieġeb mistoqsija waħda.
Treesk tgħinek tagħmel din it-tfittxija aktar faċli u aktar effettiva.
Treesk hi applikazzjoni legali għal xogħol sustantiv dwar ir-regolamenti ambjentali. Inħolqot minn avukati Pollakki għal persuni li jaħdmu fuq każijiet u regolamenti ambjentali, bħall-avukati, il-konsulenti u l-komunità kummerċjali.
Għall-kuntrarju ta’ bażi tad-dejta legali konvenzjonali, Treesk tipprovdi settijiet lesti għall-użu ta’ leġiżlazzjoni Ewropea u Pollakka li jkopru kwalunkwe tema ambjentali li tixtieq issemmi. Hi turi l-ġerarkija tal-atti legali, il-lakuni legali, l-oqsma li jowverleppjaw u kwalunkwe kontradizzjonijiet li jistgħu jeżistu. Tista’ taċċessa din l-informazzjoni kollha permezz tal-window ta’ paġna waħda ħafifa sabiex wieħed jużaha.
Treesk tippermettilek tfittex is-sorsi pubblikament aċċessibbli kollha tal-informazzjoni legali dwar l-ambjent, sew Pollakki kif ukoll fil-livell tal-UE, inkluża l-EUR-Lex; Curia, il-bażi tad-dejta tal-Qorti tal-Ġustizzja tal-Unjoni Ewropea tal-każistika tal-UE; politiki u materjali nonvinkolanti mid-DĠ għall-Ambjent tal-Kummissjoni Ewropea; u rapporti u materjali abbozzati u ppubblikati mill-Aġenzija Ewropea għall-Ambjent.
Finalment, hi wkoll bażi tad-dejta legali dwar l-istudji tal-każijiet ambjentali li qed tikber.
L-app hi disponibbli bil-Pollakk biss. Tista’ tirreġistra għall-preview ta’ 12-il siegħa bla ħlas.