L-Ewropa kif taffettwa ħajjitna ta' kuljum? Kif tagħmel impatt fuq l-impjiegi tagħna, il-familji tagħna, il-kura tas-saħħa tagħna, il-passatempi tagħna, il-vjaġġi tagħna, is-sigurtà tagħna, l-għażliet tal-konsumatur tagħna u d-drittijiet soċjali tagħna?
U kif inhi preżenti l-Ewropa fil-bliet u r-reġjuni tagħna?
Bħala ċittadini Ewropej, ma tagħmilx differenza fejn ngħixu, kif naqalgħu l-għajxien tagħna jew kif inqattgħu l-ħin tagħna, l-UE għandha impatt fuq il-ħajja tagħna ta' kuljum.
Dan is-sit web qed jippreżenta sensiela ta' noti qosra, qabel l-elezzjonijiet Ewropej tal-2019, li jesploraw x’toffri u x’tagħmel l-UE mil-lenti tal-individwu. F'paġna waħda, dawn in-noti huma maħsuba biex taqrahom, taqsamhom ma' nies oħra u tużahom mill-ġdid. U jekk tixtieq issir taf aktar, agħti daqqa t'għajn lejn id-dokumenti tagħna dwar il-politiki tal-UE taħt il-lenti li huma itwal u fihom aktar informazzjoni.
Għalhekk, x'tagħmel l-Ewropa għalik?