Is bunriachtanas é soláthar leordhóthanach téimh, fuaraithe, soilsithe agus fuinnimh a bheith ag daoine chun a gcuid fearas a oibriú. Ní féidir caighdeán maith beatha a chinntiú ina éagmais. Dá ainneoin sin, tá breis agus 50 milliún teaghlach san Aontas Eorpach nach bhfuil soláthar leordhóthanach fuinnimh acu.
Sin é an rud is bochtaineacht fuinnimh ann.
Chun feabhas a chur ar thuiscint daoine ar bhochtaineacht fuinnimh agus chun beartais agus cleachtais nuálacha a neartú atá ceaptha dul i ngleic leis an mbochtaineacht fuinnimh, tiomsaíonn Faireachlann an Aontais Eorpaigh maidir le Bochtaineacht Fuinnimh foinsí éagsúla sonraí agus eolais ó gach cearn den Aontas Eorpach.
Leis an tionscadal 40 mí seo, ar cuireadh tús leis i mí na Nollag 2016, cuirtear ar fáil cineálacha éagsúla acmhainní úsáideacha, dá leithéidí seo:
- tábla táscairí
- taisce sonraí
- catalóg de bheartais agus bearta praiticiúla
- ábhair oiliúna
- eolaire ball
- fóraim phlé.
Is féidir leatsa clárú mar bhall freisin: tá sé saor in aisce agus tabharfaidh sé caoi duit ar theagmháil a dhéanamh le páirtithe leasmhara eile, ar ábhar a rochtain atá in áirithe do na baill amháin agus ar eolas a chur ar dhóigheanna nua le comhoibriú.
I mBéarla atá an suíomh.