Cé na hEorpaigh a ólann an méid is mó uisce? Cé acu a itheann an méid is mó torthaí — déagóirí, nó a seantuismitheoirí? Cén tír den Aontas Eorpach a bhfuil an méid is mó daoine ann ar cás leo bia sláintiúil a ithe? Gheobhaidh tú freagraí na gceisteanna sin, agus tuilleadh, in aip Phirimid an Bhia.
Déanann an aip scrúdú ar 6 chatagóir (de réir Phirimid Bia na Beilge – in Ollainnis) bia agus deochanna chun a fháil amach cén t-éileamh atá orthu i measc 9 gcinn de ghrúpaí sa daonra i ngach tír — rud a thugann chun solais fíricí suimiúla faoi na nósanna itheacháin (agus na nósanna ólacháin) atá san Aontas Eorpach.
A bhuí le Pirimid an Bhia is féidir linn a thuiscint go díreach cé mhéad den bhia agus de na deochanna is mó a thaitníonn linn ar fearrde sinn é agus cé mhéad de nach bhfuil chomh sláintiúil céanna. Is féidir linn a bheith cinnte den mhéid seo – tabharfaidh an aip seo lón machnaimh dúinn go léir!
Roghnaíodh Pirimid an Bhia don EU Datathon 2017. Is i mBéarla atá sé ar fáil.