Na Ballstáit nach gcomhlíonann dlí an Aontais, is baolach go ngearrfar fíneálacha orthu. Mar sin féin, ní hamháin go dtagann costais eacnamaíocha de sháruithe ach d’fhéadfadh sé go gcuirfí isteach ar chaighdeán beatha saoránach freisin dá ndeasca (is leis an gcomhshaol agus le hiompar poiblí a bhaineann an chuid is mó acu).
Cabhraíonn InfringEye le hiriseoirí, le geallsealbhóirí agus le daoine aonair súil a choinneáil ar na cásanna dlí a thógann an Coimisiún Eorpach i gcoinne na mBallstát. Féadfaidh siad breathnú ar na sonraí de réir tíre, stádais nó díol spéise. Cabhraíonn sé le hiriseoirí na sonraí a chur i gcomhthéacs freisin sa chaoi is go mbeidh siad in ann teacht ar scéalta ar fiú scríobh fúthu.
Is éard atá i gceist leis an uirlis seo:
- bunachar sonraí iomlán a bhfuil imeachtaí um shárú ón am atá caite ann chomh maith le himeachtaí um shárú ón am i láthair
- tacair sonraí ina leagtar béim ar phríomhghnéithe na sáruithe
- léirshamhluithe ar féidir teacht go héasca orthu
- tuairisc mhionsonraithe.
Tá InfringEye ar fáil i mBéarla, Fraincis agus Iodáilis.