Cad iad na focail atá ag treochtáil i réimse na ngnóthaí Eorpacha? Cad faoi a mbíonn Feisirí Eorpacha ag tvuíteáil?
Is aip é Quote Finder atá forbartha ag an nGréasán Sonraí Iriseoireachta Eorpach agus a chuidíonn leat teacht ar fhreagraí na gceisteanna seo agus ar fhreagraí ceisteanna eile, agus a thugann léamh faoi leith ar ghnóthaí an Aontais Eorpaigh duit.
Is féidir leat an uirlis a úsáid chun tvuíteanna Feisirí Eorpacha a ransú agus a scagadh, agus chun néalta focal a chruthú leis na frásaí is mó a úsáideann siad.
Is féidir leat ábhar a scagadh de réir na nithe seo a leanas:
- eochairfhocail
- haischlibeanna
- cleamhnacht pholaitiúil
- teanga na tvuíte
Ar a bharr sin, le Quote Finder is féidir leat breathnú trí théacsanna atá foilsithe ag institiúidí an Aontais, preaseisiúintí cuir i gcás. Agus is féidir leat roghanna taispeána éagsúla a phiocadh, an tsraith ama mar shampla, chun na hathruithe atá tagtha ar ábhair threochtála san Aontas a fheiceáil.
Tá Quote Finder bunaithe ar phacáiste tiomnaithe foinse oscailte don teanga ríomhchlárúcháin R: tá an cód foinse ar fáil ar GitHub.
Tá doiciméid faoin bpróiseas maidir le sonraí a bhailiú agus aipeanna gréasáin a úsáid le fáil ar shuíomh gréasáin Quote Finder ionas go mbeidh tú in ann na haipeanna gréasáin a athchruthú, a leathadh nó a oiriúnú le haghaidh feidhmeanna eile.
Tá Quote Finder ar fáil i roinnt teangacha ach is i mBéarla atá an comhéadan scagtha.