An dóigh leatsa go bhfuil eolas dlíthiúil agus comhlíonadh dlíthiúil róchasta agus róchostasach? Tabharfaidh openlaws cúnamh duit fanacht ar an eolas maidir le reachtaíocht nua agus dlínse nua. Bailítear eolas ar an ardán seo as foinsí éagsúla agus tiomsaítear ansin é in aon chóras amháin. Ina theannta sin, tugtar rogha duit maidir le gnéithe pearsantaithe a úsáid chun táirgiúlacht an tsuímh a mhéadú. Más úsáideoir cláraithe thú, tig leat oiriúnú a dhéanamh ar do bhailiúchán pearsanta, téacs a aibhsiú, nótaí tráchta a fhágáil, clibeanna a chur isteach, comhaid a chur isteach, fógraí a fháil

A bhuí le DataEuropa.com, is féidir na milliúin sonra staitistiúil ó fhoinsí an Aontais Eorpaigh agus ó fhoinsí sna Ballstáit a chuardach. Is féidir an cuardach sin a dhéanamh i gcúig theanga (Béarla, Spáinnis, Fraincis, Gearmáinis agus Iodáilis). Chun cuardach a dhéanamh, clóscríobh anuas ar na focail "Sonraí Cuardaigh" agus roghnaigh na tacair sonraí atá á gcuardach agat leis an uirlis léirshamhlaithe atá roghnaithe agat. Faoi láthair, is é Eurostat príomhfhoinse na staitisticí agus is foinsí tábhachtacha staitisticí iad INE (an Spáinn), INSEE (an Fhrainc) agus ISTAT (an Iodáil) freisin.