EMIS

B'madwar 185,000 km ta' linji tal-kosta, l-ibħra tal-Ewropa kellhom rwol ewlieni fl-iffurmar tal-ġeografija ekonomika u kulturali tan-nazzjonijiet kontigwi. Illum il-ġurnata l-għerf xjentifiku dwar l-Ibħra Ewropej hu l-bażi biex wieħed jifhimhom u jipproteġihom.
Is-sit web tas-Sistema ta' Informazzjoni tal-Marina Ambjentali (EMIS) jipprovdi informazzjoni dwar it-tħaddim intern tal-ibħra reġjonali Ewropej, bl-użu ta' varjabbli bijoloġiċi u fiżiċi ġġenerati permezz ta' mudelli idrodinamiċi u bl-osservazzjoni mill-bogħod tas-satelliti.
L-utenti jistgħu faċilment jaċċessaw l-informazzjoni marina spazjali u l-indikaturi ambjentali biex joħolqu mapep u biex iwettqu valutazzjonijiet reġjonali bażiċi.