L-għodda ta' viżwalizzazzjoni ta' dejta interattiva "Tendenzi Ekonomiċi" tipprovdi lil kull utent, minn dak bażiku għal dak professjonali, b'ħarsa ta' malajr u ġenerali tal-iżvilupp ta' 8 indikaturi ekonomiċi ewlenin.
Wara li tagħżel indikatur u pajjiż (jew l-aggregat tal-UE / EA), tintwera fi graff it-tendenza tal-indikatur tul l-aħħar 12-il perjodu ta’ żmien. Barra minn hekk, tista’ żżid l-aggregat tal-UE jew tal-EA għal paragun. Għal uħud mill-indikaturi, għandek il-possibbiltà li tpartat bejn l-unitajiet.
Pereżempju, għall-inflazzjoni tista’ tagħżel bejn il-“bidla mqabbla mal-istess xahar tas-sena ta’ qabel” u l-“bidla meta mqabbla max-xahar ta’ qabel”. Taħt il-graff, għandek ukoll il-possibbiltà li tikseb definizzjoni tal-indikatur (ara l-buttuna "i") u li taċċessa s-sett tad-dejta tas-sors (meta tikklikkja "+ Aktar informazzjoni").
L-app hi disponibbli bi tliet lingwi: l-Ingliż, il-Franċiż u l-Ġermaniż.