OpenTrials hi bażi tad-data tal-provi kliniċi.
Għandha l-għan li ssib, tqabbel u tiskambja d-data u d-dokumenti pubblikament aċċessibbli, dwar il-provi kollha magħmulin – fuq il-mediċini u t-trattamenti l-orħajn – b’mod globali.
Il-proġett hu maħsub biex tiżdied it-trasparenza fil-provi kliniċi tar-riċerka fid-dinja u biex jittejjeb l-aċċess għar-riċerka.
L-intenzjoni hi li jinħoloq indiċi miftuħ, bla ħlas b’użu mill-ġdid ta’ din ix-xorta ta’ informazzjoni, biex jiżdiedu l-iskoperti, tiġi ffaċilitata r-riċerka, tiġi identifikata data inkonsistenti, ikunu possibbli l-awditi dwar id-disponibbiltà u l-kompletezza ta’ din l-informazzjoni, tkun appoġġjata l-ġustifikazzjoni għal data aħjar u jimxu ’l quddiem l-istandards madwar id-data miftuħa fil-mediċina bbażata fuq l-evidenza.
Il-proġett, disponibbli bl-Ingliż, għadu fil-verżjoni beta tiegħu.