L-Osservatorju Ewropew tan-Nixfa (EDO) jipprovdi informazzjoni rilevanti relatata man-nixfa bħal mapep u graffs ta' indikaturi meħudin minn diversi sorsi ta' dejta (p.e., il-kejl tal-preċipitazzjoni, il-kejl tas-satelliti, u l-mudelli idroloġiċi distribwiti). Sett ta' għodod jippermettu l-wiri u l-analiżi tal-informazzjoni disponibbli u "Aħbarijiet dwar in-Nixfa" ippubblikati b'mod irregolari jagħtu ħarsa ġenerali tas-sitwazzjoni f'każ ta' nixfiet imminenti. L-EDO jipprovdi kemm mapep kumplessi għall-ispeċjalisti kif ukoll indikaturi ta' livell għoli mmirati lejn dawk li jieħdu d-deċiżjonijiet.
Abbażi tal-EDO u ta' sistemi simili għall-Amerika Ċentrali u t'Isfel (SCADO) u għall-Afrika (ADO) li kienu żviluppati mill-istess tim, Osservatorju tan-Nixfa Globali (GDO) jinsab attwalment fil-fażi tal-iżvilupp.
Għal dawk li jużaw il-GIS il-portal jagħti wkoll aċċess lis-servizzi tal-Mapep tal-Web konformi mal-OGC.